فرحة وطن/ بقلم. الشاعر الحاج حيدر الحميداوي

.....فرحة وطن.......
حيا    الله   الابطال  الماتهاب  الموت
الركضت من نخوها وهزمت الطاغوت
ونجت ارض يونس من بطنها الحوت
وحجبوهة الطيحتهة الشيلة...
..
أشراف الزلم زفوهة البشارة...
            طلعوهة لنينوى من الجب السيارة...
شروهة بغالي النباعت رخيص..
                           شغلاتة  ثمن دم الغيارة..
إفزَعو من صرخت واعراقاه...
                     الموصل يوم تنخت بأحرارة...
ومارمت الاهي انتة الرميت...
               شاهت وجوهم بالحشد وانصارة..
وما النصر إلا من عند الاه الكون
           بشفاعة الأطهار ودعا الطال انتضارة
دخلت الحدباء تتبختر ابطال...
                     وافراح النصر شاعت اخبارة..
بعنفوان اتذيع الخبر بغداد...
                  الشكر صلت بالجوادين  وجارة..
شناشيل البصرة طشت الجكليت...
                     فرحانة وتهني اهوار العمارة....
اهازيج الفرح رددت ذيقار....
                     واسط للنصر نضمت اشعارة....
فنجان السماوة سهر مانام ....
                وعنبرهة الدوانية يحني خطارة...
تلهج بالدعاء ارض داحي الباب...
                      وكربلا بالنيابة قرت الزيارة...
بالعطر جنائن بابل تفوح...
                     وجوبي الانبار انعزف مزمارة..
لبست ثياب الفرح ام البرتقال..
                   ومرقد العسكريين يهني زوارة..
وهوست يم دجلة تكريت..
                            دم  ١٧٠٠ ماظاع  فجارة..
تغنت بالنصر دبكتهة كردستان..
                 ودجى كركوك انكشفت استارة..
للتحرير فرحت اطياف العراق..
                       واناشيد النصر تنشد ديارة.      
شكرا ياحشدنا وجيشنا المغوار
                     العراق بجالكم عالية اسوارة..
وشكرا للشهيد الرخص الروح
                            السكَا الكاع  بدم سمارة..
وشكرا للام الهوست بالتشييع
                         فدوة ابني الحاماهةديارة ..
   وطنّة      
لأن الارواح علكلفة        وطَّنَّة.
لداعش مايضل رنة       وطنة.
نفدي العمر بس سالم    وطنّة.
عراق الخير يامحلى الهوية
    وسلامتكم