وبن بيتك/ بقلم. رضا الحميدي
وين بيتك
لما سنين عمري هديتك
ماسالت طول الوقت وين وديتك
دور بالصدر وشوف شلون ضميتك
لو لحظة سهيت عن ذكرك
جدلا خلي انكول لا مو نسيتك
ينغزني حرفك والنبض يزيد
ارد ويرد يصيح لا ماناسي صيتك
اهنا ♡ بيتك ومادام اهنا♡ بيتك
اعرف بعد شنو سميتك
ريت تعرف مغلاك ريتك
شنهي انته ولك طرواك
الك من دون البشر حبيتك
صرت بيتك بنص الكللب حطيتك
اسم الله هو النفس راعي
بس بكل شهكة دوريتك
أخاف عليك تطلع وية النفس
وبالشهكة تصعد ومارديتك
رضا الحميدي
ألقِ نظرة على تغريدة @hdjjdfkhczzg: https://twitter.com/hdjjdfkhczzg/status/934887932460257280?s=09
تعليقات
إرسال تعليق