قف يامغرور/ بقلم. رضا الحميدي

مقصودة وموجهة.
توقف يامغرور.

روح لاتزيد التعب روح
روح ماتسوة العتب روح

عوفني بس انت روح
روح مليانه جروح
انت بس روح عني

روح عني بعيد واتركني ميسور
كم جسر مديت الك وتكطع الجسور
اوكف يامغرور منك كللبي ألي يفور
انت بس روح عني
يامعيشني بالتمني
وياك بس زاد التعب
وياك مايسوة العتب
انت بس روح عني

سنين انخاك حرنا و آنه اجاريك
ندري بيك انسان فلته و آنة احاميك
لازاد اليغزر بيك
ولاتعب اليهم ليك
ليش مخيب الظني
يامعيشني بالتمني
بلياك ماشين الدرب
بلياك ابدا مو صعب
انت بس روح عني

رضا الحميدي