باب رحمة/بقلم رضا الحميدي

من باب رحمة
ياسجان فك الباب بله عليك لاتلحمه
منازعة الروح والله مطالبة رحمة
طالبة شوف الصار باللكلب وحمة
بشحمة ولحمة يراع الباب لو ردت ترحمه
وبعدها بكل هدوء نروح ونرفع الزحمة
شجابس عيون دنياي
هاي دنيا عيونها وكحة
دنيا المارحمت الراح
شلون بالجاي راح ترحمه
ياهو البيها مضمون
وياهو البيها النشف جرحه
على طاري الوكت
ياهو البات وصبح صبحه
ياهو البات فرحان
وفز الصبح ولكاها الفرحة
يافرحة مفرهدات مثل حبابي الهيل
اشو نشمه بس ثلث شمات
 والباقي طحنته الرحة
شلهيج ياروحي تونين
احلفلج بيمن تصدكين
الضيم بس علي تضنين
والله لو العطل بيه لصلحه
هاي دنيا مالها صاحب صديج
ياهو التلزمة وياه مكبحة
ومالاك وياي من كل هاي دنياي
من كثر الونة بس لاكتنا البحة
ولك ياسجان فك الباب بله عليك لاتذبحه

رضا الحميدي...