الغوالي أمنا و أبونا/ بقلم رضا الحميدي

الغوالي
أمنا و أبونا

أبوية المثالي
وامي الغوالي
همه أغلى أثنين
يحفظهم الباري

سور البيت دايم النا يبونا
شمحلاها يم الباب
تتلكاه الحنونة
شوكت يرتاح لمن كبرونا
لمن نفسه النكطع
وحيله الراح وكع
تعب بربانا ابونا
دايم إلنا يبونا

مثل مارد المصباح حققلي الأماني
أبوية الغالي شماحبيت أجاني
وشمعة بيتنا امنا ست الحبايب
شهد المحنة النا بالنفس ذايب
وجع أبونا ماينسمع
وتعب أمنا ماينكطع
حكهم لحد ماكبرونا
نوافيهم أمنا وأبونا

رضا الحميدي....